La Tribuna

Este número 19 da Tribuna está dedicado á obra e á figura de Emilia Pardo Bazán, combinando investigación crítica, creación teatral, traducións e documentos inéditos.

• Estudos: análises sobre Los Pazos de Ulloa e a transformación cultural arredor das estampas e o cine.

• Dossier “Cigarreiras”: Precedido dun texto de Cándido Pazó, recóllese, en galego (Cigarreiras) e castelán (Cigarreras), a versión teatral de La Tribuna representada entre outubro de 2021 e marzo de 2025 en  Galicia, Portugal e diversas cidades españolas. Compleméntase con dúas recensións e a transcrición da mesa redonda que, con motivo das representacións en Madrid, mantiveron catro especialistas na autora e na novela.

• Traducións: revisión das versións galegas das obras de Pardo Bazán e a experiencia de traducir Un viaje de novios ao turco.

• Documentos inéditos: inclúense unha carta e unha postal de Pardo Bazán a Palacio Valdés, así como unha carta da autora, sendo nena, ao seu pai Don José Pardo Bazán.